La cumbinaziun da Bansko è ida a fin cun la victoria dal campiun mundial. Il Franzos Alexis Pinturault ha gudagnà la cursa. Pinturault ha gudagnà 68 tschientavels avant l'Austriac Marcel Hirscher. Quai munta per il Franzos sia 22avla victoria en la cuppa mundiala, l'otgavel en la cumbinaziun.
Mauro Caviezel n'ha betg dumagnà da nizzegiar ses avantatg da 6 tschientavels or dal super-G a Bansko en Bulgaria. El è crudà enavos suenter il slalom sin plazza sis, cun 1,17 secundas retard. Cun Loïc Meillard sco 10avel, ha in segund Svizzer dumagnà en ils top 10.
Emprim suenter il super-G
Il Grischun, Mauro Caviezel ha gì in avantatg da 6 tschientavels sin l'Austriac Vincent Kriechmayr e 16 tschientavels sin il Franzos Alexis Pinturault. Segund meglier Svizzer è medemamain stà in Grischun: Stefan Rogentin è stà sin plazza 9. Gino Caviezel è stà 16avel e Marco Odermatt 18avel.
RR novitads 11:00