Sco quai ch'il Bernais da 32 onns ha communitgà venderdi na vegnia el betg ad esser da la partida tar las ultimas duas lutgas da la stagiun. La raschun ch'el sa retiria sajan sulettamain problems da sanadad. Dapi l'entschatta da matg ha Sempach da cumbatter cun problems dal dies.
En sia carriera ha Matthias Sempach gudagnà en tut 36 lutgas da cranz e 106 cranzs. Sia pli gronda victoria ha el festivà il 2013 cura ch’el ha gudagnà la Festa federala da lutga e da gieus alpesters a Burgdorf.
RR novitads 12:00
