Siglir tar il cuntegn
Inhalt

Naziunal/Internaziunal Matthias Hüppi mida da SRF tar il FC Son Gagl

Il moderatur da sport banduna SRF e daventa davent dals 15 da schaner president dal FC Son Gagl en uffizi cumplain.

Matthias Hüppi.
Legenda: Suenter 38 onns banduna Matthias Hüppi SRF. Keystone

Suenter 38 onns tar SF DRS e pli tard tar SRF è Matthias Hüppi sa decidì d'acceptar ina nova sfida professiunala. Ils 15 da schaner surprenda l'um da 59 onns il presidi dal club da ballape da la Super League, il FC Son Gagl. Ils 17 da december vegn Hüppi ad esser l'ultima giada en funcziun per SRF – e quai sco moderatur da l'emissiun «sportpanorama».

Carriera da 38 onns tar SRF

Sia carriera schurnalistica ha Matthias Hüppi cumenzà 1979 durant ch'el studegiava a l'Universitad da Turitg sco moderatur da Radio DRS. Curt suenter ha el midà tar la televisiun. E dapi l'entschatta dals onns 1980 vala il schurnalist, commentatur e moderatur sco in dals represchentants pli enconuschents da SRF Sport.

RR novitads 18:00