Siglir tar il cuntegn

Header

cuntegn

Naziunal/Internaziunal Mathias Frank è da nov 8avel al Tour de France

Grazia ina fitg buna prestaziun en l’emprima etappa en las Alps, è il Lucernais Mathias Frank ussa 8avel en il classament general dal Tour de France. Quai cun in retard da 8:47 minutas sin il leader Chris Froome.

Gudagnà la 17avla etappa da Digne-les-Bains a Pra Loup ha il Tudestg Simon Geschke. Quai persuls avant l’American Andrew Talansky ed il Columbian Rigobert Uran.

Contador perda bler temp

Leader Froome ed il segund en classament general, il Columbian Nairo Quintana, èn vegnids ensemen en l’arrivada cun in retard da passa 7 minutas sin Geschke.

Alberto Contador, ch’era il 5avel en classament general è crudà per terra en l’ultima cursa aval ed ha pers bler temp. Il terz dal classament general Tejay van Garderen ha stuì dar si pervia da malsogna.

Artitgels legids il pli savens