Siglir tar il cuntegn
Inhalt

Naziunal/Internaziunal Match for Africa: Gieu, plaschair ed 1,4 milliuns francs

Per la terza giada ha Roger Federer clamà ed 11'000 persunas èn vegnidas en il Hallenstadion a Turitg per sustegnair la Roger Federer Foundation. L’occurrenza da benefizi «Match for Africa» ha Federer gudagnà cunter il Scot Andy Murray cun 6:3 e 7:6.

purtret cun ina fulla da glieud e Roger Federer ed Andy Murray
Legenda: Ils dus protagonists en la fulla dals uffants da balla, sautunzs e chantadurs. Keystone

Ils dus virtuos da tennis ha delectà il publicum cun lur art da batter ballas da tennis. En diversas intervistas durant las pausas han els er dà invista en lur vita, en lur engaschi sper il plaz da tennis. Che Roger Federer ha gudagnà il gieu è stà secundar. Pli impurtant è stà ch'ils uffants en l'Africa pon quintar cun ulteriur agid dal star da tennis svizzer. Ils 1,4 milliuns francs van a sia fundaziun che gida en set stadis africans che uffants basegnus survegnan scolaziun.

Gia la fin d’avrigl ha lieu il 4 match for africa, l’emprima giada ordaifer la Svizra, numnadamain en ils Stadis Unids. Adversari da Federer è alura l’american John Isner.

RR novitads 06:00