Siglir tar il cuntegn

Naziunal/Internaziunal Marwin Hitz na va betg cun la naziunala svizra en Russia

Il goli da 30 onns haja ditg al trenader naziunal Vladimir Petkovic ch’el na stettia betg a disposiziun, communitgescha la Federaziun svizra da ballape.

Marwin Hitz salida ils fans avant in gieu cun sia equipa Augsburg.
Legenda: Marwin Hitz na vul betg viagiar en Russia sco numer trais tranter ils golis da la naziunala svizra. Keystone

Enstagl da Hitz vegn uss nominà sco terz goli per ils campiunadis mundials da ballape en Russia Yvon Mvogo. Quai dasper ils dus golis Yann Sommer e Roman Bürki.

Meglras schanzas cunter Bürki tar Dordmund

Suenter passa 150 gieus en la Bundesliga per Wolfsburg ed Augsburg vegn Marwin Hitz probablamain a midar tar Borussia Dortmund. Quei suenter che sas contract cun Augsburg scada. Sco goli tar Dortmund ha Marwin Hitz lura tut tenor meglras schanzas en concurrenza cun il numer dus Roman Bürki.

RR novitads 17:00