Siglir tar il cuntegn
cuntegn

Naziunal/Internaziunal Martin Plüss terminescha carriera

Martin Plüss, l'attatgader dal SC Berna, sa retira da la squadra naziunala svizra. L’attatgader da 38 onns era sur onns ina da las figuras pregnantas en la squadra naziunala.

Martin Plüss en acziun durant il campiunadi mundial 2013.
Legenda: Martin Plüss en acziun durant il campiunadi mundial 2013. Keystone

Plüss ha dà 239 gieus per la Svizra ed è stà da la partida a 12 campiunadis mundials e quatter giadas a gieus olimpics. La squadra naziunala saja stada a cor ad el, ha Plüss ditg, perquai saja la decisiun da chalar anc pli greva. El haja dentant il sentiment ch'i saja il dretg mument per el.

Suenter Roman Wick, è Martin Plüss il segund top-attatgader che ha annunzià sia retratga da la squadra naziunala.

RR novitads 20:00