Marcel Hirscher gudogna suenter il super-G er il slalom gigant da Beaver Creek en ils Stadis Unids. L’Austriac gudogna cun in avantatg da 0,98 secundas sin il Franzos Victor Muffat Jeandet. Terz vegn il Norvegiais Henrik Kristoffersen.
Meglier svizzer vegn il grischun Gino Caviezel el è sa megliurà dal 29avel plaz el emprim percurs sin 11avel plaz. Er anc puncts gudognan Justin Murisier sco 24avel e Manuel Pleisch sco 26avel.
Carlo Janka aveva renunzià suenter bunas prestaziuns en la cursa rapida (5avel) ed il super-G (8avel) sin ina partenza en il slalom gigant.