Siglir tar il cuntegn
cuntegn

Naziunal/Internaziunal Marcel Hirscher gudogna ad Adelboden

L’Austriac gudogna per la terza giada il slalom gigant ad Adelboden. Justin Murisier vegn sco 11avel meglier Svizzer.

L'Austriac Marcel Hirscher.
Legenda: Marcel Hirscher ha gudagnà il slalom gigant dad Adelboden, quai cun 17 tschientavels avantatg sin il Norvegiais Henrik Kristoffersen. Keystone

Il podest

  • 1. Marcel Hirscher (Austria)
  • 2. Henrik Kristoffersen (Norvegia) +0,17 Sekunden
  • 3. Alexis Pinturault (Frantscha) +0,21

Marcel Hirscher n'era betg da cumbatter en il slalom gigant ad Adelboden. L'Austriac ha cun questa victoria gudagnà gia per la sisavla giada en questa stagiun. Totalmain ha el gudagnà 51 giadas ina cuppa mundiala da skis. Henrik Kristoffersen, che ha questa stagiun d'enviern anc mai gudagnà ina cursa, è per la sisavla giada vegnì segund. Il victur da l'onn avant, Alexis Pinturault, è vegnì terz.

Ils Svizzers

  • 11. Justin Murisier +2,13
  • 13. Gino Caviezel +2,28
  • 19. Elia Zurbriggen +3,21
  • Loïc Meillard è en la segunda cursa crudà ora

RR novitads 15:00