Siglir tar il cuntegn

Naziunal/Internaziunal Marcel Hirscher è stà il spert

Marcel Hirscher ha gudagnà il slalom gigant ad Alta Badia. Quai è gia la quarta victoria da la stagiun per il skiunz austriac.

Champagner per Marcel Hirscher.
Legenda: Champagner per Marcel Hirscher. Keystone

Sper el na vegn il mument nagin sperasvi en la disciplina slalom gigant. Marcel Hirscher gudogna er quel ad Alta Badia, quai 19 tschientavels avant il Norvegiais Henrik Kristoffersen ed 86 tschientavels avant il Franzos Victor Muffat-Jeandet che manava anc suenter igl emprim percurs.

Sin il quart plaz suonda l’American Ted Ligety ch’ha fatg in sigl enavant suenter l’emprim percurs. Sin il 5 e 6avel plaz suondan ils dus Franzos Mathieu Faivre ed Alexis Pinturault.

Meglier Svizzer 14avel

Il meglier Svizzer è stà Justin Murisier sin il 14avel plaz. Gino Caviezel, il segund Svizzer ch'è sa qualifitga per il segund percurs ha gudagnà 4 plazs ed è uschia vegnì la fin finala 21avel.

RR novitads 14:00