Siglir tar il cuntegn

Header

Navigaziun

Marcel Hirscher sin il podest a Levi - el tegna ad aut ils skis.
Legenda: Marcel Hirscher ha mussà a tuts co ins po gudagnar. Keystone
cuntegn

Naziunal/Internaziunal Marcel Hirscher è en furma

El gudogna l'emprim slalom da la stagiun a Levi en la Finlanda. Meglier Svizzer è Luca Aerni - el è vegnì otgavel.

In avantatg da 1,30 secundas ha Hirscher gì sin ses cumpatriot, Michael Matt ch'è vegnì segund. Terz è il talian Manfred Mölgg che ha pers sulettamain in tschientavel sin Matt. Per Hirscher è quai la 40avla cursa da cuppa mundiala ch'el gudogna.

Sis Svizzers en il segund percurs

Sis Svizzers han pudì partir per il segund percurs. Daniel Yule, ch'era classà suenter l'emprim percurs sin il 7avel rang, ha gì discletg en il segund percurs. La finala è el vegnì 19avel.

Persuenter ha Luca Aerni pudì s'avanzar. El ha fatg il pass dal 14avel sin il 8avel plaz. Il Grischun Sandro Simonet po sa legrar da ses emprims puncts en la cuppa mundiala - el è vegnì 27avel.

Rangaziun dals Svizzers:

  • 8. Luca Aerni
  • 16. Marc Gini
  • 19. Daniel Yule
  • 22. Ramon Zenhäusern
  • 26. Reto Schmidiger
  • 27. Sandro Simonet

RR novitads 14:00