Siglir tar il cuntegn
Inhalt

Naziunal/Internaziunal Marc Gini di «Adia»

Suenter 124 cursas da cup mundial sa retira il spezialist grischun da slalom Marc Gini dal sport da prestaziun.

Marc Gini.
Legenda: La carriera da Marc Gini è a fin: Qua suenter ils campiunadis svizzers da skis alpin a Tavau dumengia, ils 9 d'avrigl. Keystone

Il punct culminant da sia carriera ha marcà la victoria dal cup mundial il november 2007 sin la «Reiteralm», avant il finlandais Kalle Palander ed il talian Manfred Mölgg. Ultra da quai ha Gini gudagnà quatter giadas il cup europeic ed è ì per 6 titels da campiunadis svizzers.

Numerusas feridas e blessuras durant ils ultims onns han procurà che Gini n'è betg pli stà bun da mussar talas prestaziuns. Suenter in grev temp da reconvalescenza e suenter ch'il skiunz da Baiva e uss puspè saun ha Marc Gini decis da terminar sia carriera. Il slalom dal hampiunadi svizzer a Tavau è stà la davosa cursa dal skiunz da 32 onns

Jau vulev ir cun skis uschè ditg ch'jau crai anc da pudair gudagnar cursas. En la situaziun actuala fiss quai stà difficil
Autur: Marc Gini

Suenter 124 cursas da cup mundial sa retira il spezialist grischun da slalom Marc Gini dal sport da prestaziun.

El vul continuar ses studi da fisioterapia ch'el aveva cumenzà avant 2 onns. Là vul el era profitar da si'experientscha rimnada durant ils 14 onns ch'el è partì per cursas dal cup mundial.


RR sportissimo 17:00