Naziunal/Internaziunal - ManU memia ferm per Basilea
Manchester United è stà memia ferm per l'FC Basilea en l'emprim gieu da la Champions League da quest onn. L'equipa da Raphael Wicky ha pers en il stadion Old Trafford cun 0:3. Las sulettas schanzas da gol per l'FCB han gì Zuffi en la 33avla minuta ed Elyounoussi en la 63avla minuta.
En la medema gruppa A ha Benfica Lissabon pers cunter ZSKA Moscau cun 1:2.
En la gruppa B ha Bayern München battì Anderlecht 3:0, e Celtic Glasgow perda a chasa cunter Paris Saint Germain cun 0:5. En la gruppa C giogan il AS Roma ed Atlético Madrid pari 0:0, e Chelsea declassescha Karabach cun 6:0. Ed en la gruppa D gudogna il FC Barcelona cun 3:0 cunter Juventus Torino, ed Olympiakos perda cunter Sporting Lissabon cun 2:3
