Malgrà la pandemia da corona han enturn 50'000 persunas admirà en il Giapun il Fieu olimpic ch'è vegnì preschentà a la staziun da Sendai. Sco medias rapportan, è la colonna da spetga per part stada fin a 500 meters lunga. Intgins dals visitaders hajan spetgà uras a la lunga per vesair il fieu.
Il fieu, ch'è vegnì envidà en la Grezia ha cuntanschì il Giapun venderdi. Ils gieus olimpics en il Giapun, dals 24 da fanadur fin ils 9 d'avust, è in dals sulets gronds eveniments sportivs da quest onn che n'è anc betg vegnì annullà.