Siglir tar il cuntegn

Header

cuntegn

Naziunal/Internaziunal Madrid derbi en il mezfinal

A Nyon è vegnì tratg la sort dals mezfinals da la Champions League. Real dat a chasa cunter Atletico, Monaco frunta

Tar il derbi da la chapitala Madrid datti in'ulteriura ediziun dal finial da la Champions League il 2014 e 2016. En omadus finals ha Real gudagnà cunter l'adversari da la citad. Il defensur dal titel Real è gia per la 7avla giada en roda en il mezfinal, Atletico per la terza giada.

Monaco - Juventus

Quest duel na cloma betg bunas regurdientschas tar l'equipa dal Principadi. Il 2015 ha Monaco pers il quartfinal cunter Juventus pervi d'in gol da penalti. Monaco è per l'emprima giada dapi il 2004 puspè en in mezfinal.

Ils emprims gieus èn ils 2 e 3 da matg, ils gieus da return in'emna pli tard. Il final è ils 3 da zercladur a Cardiff en la Valisa.

En ils mezfinals da l'Europa League dattan Celta Vigo cunter Manchester United ed Ajax Amsterdam frunta sin Olympique Nyon. Quests gieus èn ils 4. ed ils 11. da matg. Il final è lura mesemna ils 24 da matg a Solna/Stockholm.

RR novitads 14:00

Artitgels legids il pli savens