Siglir tar il cuntegn
Inhalt

Naziunal/Internaziunal Lunsch davent dal giavischà

Ils biatlets svizzers manchentan per bler lur finamira en la staffetta dal campiunadi mundial en l’Austria, la finala cuntanschan els cun in retard da quatter ed ina mesa minuta plazza 16. Campiuns mundials daventan ils Russ.

Il biatlet da Trin Serafin Wiestner
Legenda: Il biatlet da Trin Serafin Wiestner durant in trenament il favrer. Keystone

Cun l’emprima medaglia d’aur ha la staffetta russa salvà ord lur vista quest campiunadi mundial. Il Russ Anton Schipulin ha tegnì cunter en la davosa runda als Franzos cun Martin Fourcade sco davos atlet. Terz daventan ils Austriacs, pauc avant ils Tudestgs.

Mo Weger ha propi persvadì

La plazza 16 dals Svizzers è ina trumpada. Sulettamain Benjamin Weger ha mussà ina ferma prestaziun cun nagins sbagls da sajettar. Jeremy Finello sco emprim curridur da la staffetta ha surdà gia cun in retard d’ina minuta e mesa. Mario Dolder ha stuì chargiar suenter e silsuenter anc far duas rundas da chasti. Serafin Wiestner sco ha mo anc pudì meglierar levet la rangaziun svizra sin plazza 16.

RTR novitads 17:00