Siglir tar il cuntegn

Header

Navigaziun

Patrick Fischer a la banda dal HC Lugano.
Legenda: Patrick Fischer sto bandunar il HC Lugano. Keystone
cuntegn

Naziunal/Internaziunal Lugano relascha Patrick Fischer

Patrick Fischer n’è betg pli trenader dal Club da hockey da Lugano. Ils Tessinais han uschè tratg las consequenzas suenter ils resultats miserabels en la stagiun actuala.

Suenter 15 rundas da campiunadi èn ils «Bianconeri» a la cua da la tabella. Lugano ha gudagnà sulet 5 da 15 gieus.

Patrick Fischer, anteriur attatgader naziunal e da la NHL, è stà dapi la primavaira 2013 a la banda da Lugano. Anc curt avant la nova stagiun aveva il club prolungà il contract cun Fischer enfin il 2018. Durant sias emprimas duas stagiuns sco trenader è Lugano mintgamai crudà ora en ils quartfinals dals playoffs.

Ensemen cun Patrick Fischer è era il trenader assistent, il Svedais Peter Andersson vegnì relaschà per immediat.

RR novitads 10.00