Il pilot da moto svizzer Tom Lüthi ha cuntanschì en la cursa a Mugello en l’Italia il segund plaz. Partì en la cursa era el anc da la posiziun quatter. Per Lüthi è quai il tschintgavel plaz da podest en questa stagiun.
En la cursa a Mugello ha Lüthi cumbattì enfin la fin per la victoria. Era cun il segund plaz è el però cuntent. Gudagnà la cursa ha iI Talian Mattia Pasini e terz è vegnì il Spagnol Alex Marquez. En il classament general maina Franco Morbidelli cun 13 puncts avant Tom Lüthi.
RR Sportissimo 17.30
