Siglir tar il cuntegn

Header

cuntegn

Naziunal/Internaziunal Lions sa distanzieschan da la concurrenza

En la 27avla runda da la liga naziunala A han ils ZSC Lions festivà a Langnau la quarta victoria en seria. Turitg ha battì ils Tigers suveran cun 5:1.

In’ulteriura terrada hai dà per il SC Berna. Il club da la chapitala ha pers a Genevra cun 2:4. Igl è la terza terrada en seria per ils Bernais.

Puspè ina gia pudì ir giu dal glatsch cun ina victoria ha Losanna. Il club romand ha suenter tschintg terradas gudagnà il derbi cunter Friburg Gottéron cun 6:3.

Plinavant ha Bienna pers a chasa cunter Ambri cun 3:6 e Lugano ha gudagnà cunter Kloten cun 4:3.

ZSC resta il leader

En la tabella restan ils ZSC Lions a la testa cun 55 puncts, 6 puncts avant il EV Zug ch’ha dentant giugà trais partidas pli pauc. Il HCD resta sin il quart plaz da la tabella cun 45 puncts, dus puncts davos Friburg. Sut il stritg sa chatta il quartet cun Losanna, Ambri, Langnau e Bienna.

Artitgels legids il pli savens