Siglir tar il cuntegn

Naziunal/Internaziunal Lindsey Vonn è puspè sa blessada

La skiunza americana Lindsey Vonn ha puspè ina blessura. Vonn ha annunzià sur twitter ch'ella saja crudada durant il trenament en la Nova Zelanda ed ha fatg ina pitschna fractura vi da l'oss radund.

La skiunza americana, Lindsey Vonn.
Legenda: La skiunza americana, Lindsey Vonn. Keystone

Quella blessura na vegn dentant betg a far gronds quitads a la skiunza cun las pli bleras victorias en l’istorgia. Il december passà aveva el fatg in grondius comeback suenter duas operaziuns dal liom-cruschà aifer in onn. 349 dis suenter sia pausa sfurzada, aveva ella gia gudagnà la segunda cursa rapida da la stagiun.

La fin da la stagiun aveva Lindsey Vonn gudagnà 8 cursas da la stagiun ed aveva uschia pudì scriver istorgia. Cun 67 victorias en la cuppa mundiala è ella la skiunza cun las pli bleras victorias.

RR novitads 17:30