Siglir tar il cuntegn
Inhalt

Naziunal/Internaziunal Lindsey Vonn è enavos – ella gudogna il super-G a Val d'Isère

Lindsey Vonn è puspè enavos. Suenter in'entschatta da la stagiun ch'è stada per sias relaziuns catastrofala, ha la skiunza americana gudagnà il super-G a Val d'Isère. La Taliana Sofia Goggia è segunda e la Norvegiaisa Ragnhild Mowinckel terza.

Lindsey Vonn tegn ses skis avant ella.
Legenda: Lindsey Vonn gudogna puspè suenter 11 mais. Keystone

Per Lindsey Vonn esi la 78avla victoria ella cuppa mundiala, dentant l'emprima dapi 11 mais. En las emprimas tschintg cursas da la stagiun n'ha la skiunza americana betg pudì persvader. In 12avel ed in 24avel plaz èn stads ils sulets resultats ch'han quintà.

Hählen cun meglier resultat da sia carriera

El terz super-G da la stagiun han las Svizras manchentà per l'emprima giada il podest. In'emna suenter la victoria dubla a San Murezzan da Jasmine Flury e Michelle Gisin è Joana Hählen la meglra Svizra. Hählen cuntanscha il 5avel plaz – il meglier resultat da sia carriera.

  • 1. Lindsey Vonn
  • 2. Sofia Goggia
  • 3. Ragnhild Mowinckel

Sis Svizras tranter las emprimas 18

  • 5. Joana Hählen
  • 9. Lara Gut
  • 10. Michelle Gisin
  • 12. Corinne Suter
  • 17. Jasmine Flury
  • 18. Priska Nufer

RR novitads 12:00