Siglir tar il cuntegn
cuntegn

Naziunal/Internaziunal Linda Züblin sa retira

L'atleta da heptatlon svizra Linda Züblin, terminescha sia carriera. Novs problems cun il schanugl sforzan la sportista da 30 onns da la Turgovia a quest pass.

Linda Züblin curra sur ils obstachels.
Legenda: Linda Züblin aveva stuì dar si la cursa sur 800 meters ad Amsterdam pervia dal mal. Keystone

Züblin patescha d'ina blessura vid il schanugl sanester ch'è gia vegnì operà 3 giadas. L'ultima concurrenza che Linda Züblin ha fatg en la 7 disciplinas è stà al campiunadi europeic ad Amsterdam il favrer.

Züblin è stada pliras giadas campiunessa svizra en il heptatlon, la concurrenza da 7 disciplinas. Ses meglier resultat internaziunal ha ella fatg il 2010, sco 16. al campiunadi europeic a Barcelona. Dal 2009 fin il 2011 ha ella tegnì il record svizzer en il bittar la lantscha.

RR novitads 12:00