Siglir tar il cuntegn

Header

Navigaziun

cuntegn

Naziunal/Internaziunal Lillehammer: Dario Cologna 7avel sur 10 km en stil liber

Suenter ses 26avel plaz en l’emprima cursa da la stagiun a Kuusamo ha Dario Cologna sa meglierà marcantamain.

En la cursa sur diesch kilometers en stil liber ha Cologna cuntanschì il setavel plaz a Lillehammer en Norvegia. En il mini-tur tras ils anteriurs stadions da gieus olimpics ha il jauer pers 14,3 secundas sin il victur, il Svedais Calle Halfvarsson. Segund è vegnì Marcus Hellner.

Fin al punct culminant da la stagiun da passlung, ils Campiunadis mundials nordics a Lahti, dura anc trais mais. En congual cun Dario Cologna è il star norvegiais Petter Northug anc pli dalunsch davent da sia furma optimala. El ha fatg la 51avla plazza en la cursa cun 97 participants.

Cologna ha manchentà per 7,6 secundas dad esser per la 36avla giada sin il podest.

RR novitads 12:00