Siglir tar il cuntegn
Inhalt

Naziunal/Internaziunal Lewis Hamilton resta il retg da la pole-position

Lewis Hamilton ha era gudagnà la qualificaziun per il Grond Premi da la Furmla 1 da l'Ungaria. II pilot da Mercedes parta uschia damaun en la davosa cursa avant la pausa da stad in'ulteriura giada da la pole-position. Da las 10 cursas da questa stagiun è Hamilton partì 9 giadas da la pole-postion.

Da 10 cursas 9 giadas pole: Lewis Hamilton il retg da la qualificaziun.
Legenda: Da 10 cursas 9 giadas pole: Lewis Hamilton il retg da la qualificaziun. Keystone

Il Brit è stà varga ina mesa secunda pli spert che ses collega d'equipa, il Tudestg Nico Rosberg. Davos il duo da Mercedes parta damaun Sebastian Vettel en il Ferrari da la posiziun trais. Sper el parta l’Australian Daniel Ricciardo en il Red Bull.

Sauber a la cua

Insumma betg sin turas èn ils pilots da Sauber vegnì. Tant Marcus Erisscon sco era Felipe Nasr èn crudads ora gia en il Q1, l'emprima part da la qualificaziun. Il Svedais Ericsson parta damaun da las posiziun 17, il Brasilian Felipe Nasr da la posiziun 18. Pli plaun ch'ils dus pilots da Sauber èn sulet il dus pilots dal team Manor stads. Per Sauber èsi il mender resultat da qualificaziun en quella stagiun.

RR novitads 17:00