Siglir tar il cuntegn
Inhalt

Naziunal/Internaziunal Leclerc è il nov pilot da Sauber

Il team svizzer da la furmla 1 Sauber sa fida la proxima stagiun dals dus pilots Charles Leclerc e Marcus Ericsson. Quai ha Sauber communitgà trais dis suenter ch'il partenadi cun Alfa Romeo è vegnì enconuschent.

Auto da formula 1 da Sauber ed ils dus pilots.
Legenda: Ils dus pilots Marcus Ericsson e Charles Leclerc durant la preschentaziun dal nov vehichel. Keystone

Sco spetgà sesa il talent da Ferrari Charles en in dals cockpits. Il giuven da 20 onns ha gudagnà quest onn il campiunadi da furmla 2. En pli ha el pilotà quatter giadas l'auto da Sauber durant ils trenaments dal venderdi. Leclerc remplazza il Tudestg Pascal Wehrlein.

Il segund pilot resta il Svedais Marcus Ericsson, ch'ha gudagnà ses sulets nov puncts dal campiunadi mundial en ses emprim onn tar Sauber, il 2015.

La proxima stagiun da la furmla 1 cumenza ils 25 d mars en l'Australia.

RR novitads 12:00