Laura Ludwig e Kira Walkenhorst èn campiunessas mundialas

Las duas Tudestgas ch'èn era campiunessas olimpicas han gudagnà il final dals campiunadis mundials da beachvolley a Vienna.

Kira Walkenhorst (san.) e Laura Ludwig che tegna ad aut la bandiera tudestga.

Legenda da maletgs: Kira Walkenhorst (san.) e Laura Ludwig suenter la victoria als campiunadis mundials da beachvolley a Vienna. Keystone

Cun quella victoria han las duas sportistas da la Germania encurunà ina sesiun in zic malreussida. Ellas han gudagnà il final cunter las Americanas Lauren Fendrick ed April Ross cun 19:21, 21:13 e 15:9. Per il duo tudestg che ha gudagnà il 2016 aur als gieus olimpics a Rio de Janeiro sco emprima equipa europeica èsi ussa l'emprim titel da campiunadi mundial.

La medaglia da bronz va a las favuritas brasilianas Larissa e Talita. En il mezfinal avevan ellas anc pers cunter las Tudestgas Laura Ludwig e Kira Walkenhorst. Ils dus duos svizzers Hüberli / Betschart e Heidrich / Vergé-Dépré èn gia crudads or en l'otgavelfinal.

RR Sportissimo 17:00