Siglir tar il cuntegn

Header

cuntegn

Naziunal/Internaziunal Las quatter top naziuns a Schaffusa

Svizra, Svezia, Finlanda e Tschechia – quai èn las quatter meglras naziuns quai che pertutga il sport dad unihoc, tant tar ils umens sco er tar las dunnas. Las equipas naziunalas da las dunnas da quests pajais sa mesiran a Schaffusa al segund turnier en il rom da l’EURO Floorball Tour 2016.

Duas giadas ad onn datti quest turnier cun ils top 4 dal mund. Per l’emprima giada dapi bun in onn e mez dastgan las giugadras svizras giugar avant ils fans a chasa encunter la crème de la crème da l’unihoc, quai a Schaffusa en la nova BBC Arena. Al turnier dattan tant la naziunala A sco er la naziunala U19 che vegn trenada dapi quest onn d’in Sursilvan, numnadamain dad Aldo Casanova da Mustér. Per el èsi l’emprim grond turnier sco trenader naziunal. Avant ha Casanova trenà durant bun 10 onns differents clubs en la liga naziunala A, tranter auter er il club grischun Piranha Cuira.

Emprova generala

Ils turniers da l’EURO Floorball Tour valan er mintgamai sco emprovas generalas e tests en vista al campiunadi mundial, il punct culminant ch’i dat mintga dus onns. Il 2017 dat la naziunala Svizra da las dunnas il campiunadi mundial en Slovachia, il 2018 dastga la naziunala U19 lura cumbatter per quest titel, e quai a chasa en Svizra.

Dapli: www.eft2016.ch

Artitgels legids il pli savens