Siglir tar il cuntegn
Inhalt

Naziunal/Internaziunal Las novitads dal sport en furma curta

Ils temas: gimnastica artistica, triatlon, Giro d'Italia, furmla 1 e tennis.

Daniel Rikahdou sin Red Bull
Legenda: Keystone
Timea sin il plaz da gieu
Legenda: Keystone

Tennis – Bacsinszky stat en l'8avel dal French Open:

Ella ha battì la Franzosa Pauline Parmentier 6:4 6:2. En la proxima runda frunta Bacsinszky u sin l'Americana Venus Williams u sin la Franzosa Alizé Cornet.

Daniel Rikahdou sin Red Bull
Legenda: Keystone

Furmla 1 – pole position damaun per Ricciardo sin Red Bull: Daniel Rikahdou sin Red Bull parta damaun per l'emprima giada sin la pole-position tar il Grand Prix da la formula 1 da Monaco. El ha gudagnà il qualifying avant il leader mundial Nico Rosberg e Lewis Hamilton - tuts dus sin Mercedes.

Per ils autos da Sauber è il qualifying stà ina dischillusiun. Marcus Ericsson parta damaun dal plaz 17 e Felipe Nasr da l'ultima posiziun. Tras ina panna da l'auto da Nasr è il qualifying stà interrut per in tschert temp.

La squadra cun las medaglias
Legenda: Keystone

Gimnastica artistica – bronz per la Svizra: Tar ils campiunadis europeics a Berna ha il team svizzer da Bernhard Fluck fatg la medaglia da bronz. Igl è l'emprima medaglia da team per la svizra en in campiunadi europeic en la disciplina da la gimnastica artistica.

Per aur va il team da la Russia, per argient la Gronda Britannia.

Il vendschader Salvisberg
Legenda: Keystone

Triatlon – bronz per Salvisberg: Tar il campiunadi europeic da triatlon a Lissabon ha il Svizzer Andrea Salvisberg gudagnà la medaglia da bronz.

Aur è ì al Spagnol Javier Gomez ch'ha gia gudagnà il campiunadi mundial 5 giadas. Segund è il Russ Dimitri Poljanski. L'auter Svizzer Sven Riederer ha stuì dar si la cursa.

Nibali va vers la victoria
Legenda: Keystone

Giro d’Italia – Nibali decida la 20avla etappa per sai: sin il tschancun da Guillestre a Sant'Anna di Vinadio gudogna il talian. El ha distanzià il leader Esteban Chaves da la Columbia per pli ch'ina minuta e mesa e porta damaun sin l'etappa finala il tricot en rosa.

RR novitads 10:00+