Siglir tar il cuntegn
cuntegn

Naziunal/Internaziunal Lara Gut triumfescha a Lake Louise

La skiunza svizra gudogna per la terza giada il Super G da Lake Louise en il Canada. Quai cun 10 tschientavels avant Tina Weirather.

Skiunza.
Legenda: Lara Gut sin via da gudagnar il Super G da Lake Louise per la terza giada. Reuters

Il podest:

  • 1. Lara Gut (Sui) 1:02,68
  • 2. Tina Weirather (Lie) +0,10
  • 3. Sofia Goggia (It) +0,59

Cunzunt la davosa part da la cursa è gartegiada fitg bain a Lara Gut. Per la Tessinaisa è quai stà la terza victoria en il Super G da Lake Louise suenter 2013 e 2014. Tut en tut èsi stà la 20avla victoria en la cuppa mundiala per Gut.

Las ulteriuras Svizras:

  • 7. Corinne Suter +0,84
  • 17. Priska Nufer +1,38
  • 41. Fabienne Suter +2,20
  • 52. Denise Feierabend +3,36

Cumenzà cun retard

Perquai che blera naiv nova è crudada la notg ha la cursa cumenzà cun in retard da 75 minutas. Plinavant è la cursa vegnida scursanida – sco gia la cursa rapida sonda. Lura ha Lara Gut cuntanschì il segund plaz.

Las skiunzas turnan da l'America dal Nord enavos en l'Europa. A Sestriere en l'Italia suondan sto proxim in slalom gigant ed in slalom.

RR novitads 21:00