Siglir tar il cuntegn

Header

Navigaziun

Lara Gut
Legenda: Spir plaschair: Lara Gut suenter sia victoria al slalom gigant a Lienz en l'Austria. Keystone
cuntegn

Naziunal/Internaziunal Lara Gut gudogna slalom gigant a Lienz

Lara Gut ha er demonstrà suenter las festas da Nadal sia grondiusa furma. La skiunza tessinaisa ha gudagnà il slalom gigant a Lienz ed uschia gia festivà sia quarta victoria da la stagiun ed en tut sia 16avla victoria da la cuppa mundiala.

Lara Gut, segunda suenter l'emprim percurs, ha gudagnà la cursa cun in avantatg da 12 tschientavels sin Tina Weirather dal Principadi dal Liechtenstein. Terza è vegnida la Tudestga Viktoria Rebensburg.

Cun Wendy Holdener sco 20avla hai anc dà puncts per in'ulteriura skiunza svizra. Las ulteriuras skiunzas da Swiss Ski, Simone Wild, Rahel Kopp e Jasmina Suter han manchentà la qualificaziun per il segund percurs.

Gia crudada or en l'emprim percurs era tranter auter l’Americana Lindsey Vonn. Uschia ha Lara Gut pudì augmentar ses avantatg a la testa dal classament general. Gut maina uss quel cun in avantatg da 158 puncts sin l'Americana.

RR novitads 15:00