Lake Placid: Victoria per il team svizzer dal bob a quatter

Il team svizzer da Rico Peter ha gudagnà sia emprima cursa da coppa mundiala en il bob a quatter. Els han battì surprendentamain il team dals Stadis Unids.

Ils Svizzers van per la cuppa mundiala dal bob a quatter.

Legenda da maletgs: Ils team svizzer da Rico Peter va per sia emprima medaglia da coppa mundiala. Keystone

Il team svizzer da bob a quatter da Rico Peter ha gudagnà surprendentamain ina cursa da la cuppa mundiala en ils Stadis Unids da l'America. Ils bobists svizzers han mess si en omadus percurs il meglier temp e battì uschia ils matadors locals e victurs olimpics da Vancouver da Steven Holcomb. Ils Americans èn vegnids segunds. Plaz 3 va al team dal Canada da Chris Spring.

En il bob svizzer dal manischunz Rico Peter eran Janne Bror van der Zijde, Simon Friedli ed il frenader Thomas Andrianov.

Novitads 21.00