Siglir tar il cuntegn

Header

video
Tour de ski: Success malgrà main aspectaturs
Or da Telesguard dals 02.01.2018.
laschar ir. Durada: 3 minutas 28 Secundas.
cuntegn

Naziunal/Internaziunal Lai fa bilantscha positiva dal Tour de Ski

Il Tour de Ski ha attratg 15'000 visitaders. Ils resuns dals giasts, dals organisaturs e da las equipas èn positivs: Ina atmosfera grondiusa ed in'organisaziun ed in'infrastructura persvadenta.

Ils organisaturs da las trais etappas dal Tour de Ski a Lai èn cuntents. Quai er grazia a las trais victorias svizras. Tenor il president dal comité d'organisaziun, Hannes Parpan, sajan quests success svizzers da gronda valur. L'atmosfera en il stadion a Lantsch sco er per lung il traject saja stada grondiusa, uschia Parpan. Ed era ils resuns da giasts, las medias e las equipa pertutgant l'organisaziun e l'infrastructura sajan positivs.

Pli pacs visitants pervia da la naiv

Il dumber da visitants è dentant cun 15‘000 persunas sut las spetgas. Per Parpan è la naiv il motiv. Las cundiziuns sin las vias pudessan avair motivà l’in u l’auter da desister ad ina visita.

La FIS e la Swiss-Ski han gia ditg tiers da manar tras il Tour de Ski 2019/20 danovamain a Lai. E Parpan è persvadì ch'ins possia entusiasmar ses partenadis suenter l'occurenza gartegiada da quest onn.

RR novitads 11:00

Artitgels legids il pli savens