Siglir tar il cuntegn
cuntegn

Lahti 2017 Von Siebenthal cun la cursa da sia vita sin plaz 4

La Svizra Nathalie von Siebenthal è vegnida sin plaz quatter en il skiatlon als campiunadis mundials a Lahti. Per las dunnas svizras è quai il meglier resultat dapi la medaglia da bronz dad Evi Kratzer il 1987.

En il skiatlon da las dunnas en duas giadas 7,5 kilometers – mintgamai en different stil – ha Nathalie von Siebenthal realisà plaz 4. En il sprint per quest plaz ha ella tranter auter fatg ceder il nummer 1 dal cup mundial actual, Hedi Weng. Dapi la medaglia da bronz dad Evi Kratzer il 1987 ad Oberstdorf è quei il meglier resultat da las dunnas svizra.

Cler che Nathalie von Siebenthal da la Part Sura Bernaisa è l'emprim bain stada dischillusiunada dal quart rang tar campiunadis mundials, nua che surtut las medaglias valan. Minutas pli tard traglischava ella però e sa legrava.

Tut è stà ideal, in di perfect. E mes ski da skating è ì meglier che quels da la concurrenza.
Autur: Nathalie von Siebenthal4. al skiatlon dal campiunadi mundial a Lahti

Curridras scandinavas van suveran cun las medaglias

Las medaglias èn stadas cleras relativ spert. Il trio cun Marit Björgen (Norvegia), Krista Pärmäkoski (Finlanda) e Charlotte Kalla (Svezia) ha dominà la cursa dal campiunadi mundial a Lahti. Per Björgen è quai la 15avla medaglia d'aur a campiunadis mundials.

RR novitads 12:00