Siglir tar il cuntegn

Header

cuntegn

Lahti 2017 Skis da passlung dretg e sanester a Lahti

Betg be sport spectacular spetga ils fans da Lahti mabain era ina culissa spectaculara.

L’entira Finlanda è sa gidada cun Lahti da decorar l’areal dals campiunadis mundials cun skis da passlung. Dentant betg sulet en ed enturn il stadion, mabain l’entira citad da Lahti è decorada cun skis. Quels maletgs dattan propi tempra da festa.

Il schef da marketing Esa-Pekka Nykänen ha supplitgà la populaziun da trametter als organisaturs ils skis vegls da passlung. La resposta da la populaziun è stada impressiunanta. Passa 5'000 skis en vegnids surdadas als da Lahti, skis per part ruts, auters dentant en in stadi original. Els hajan vulì rimnar bleras istorgias colliadas cun skis da passlung, di Nykänen.

Lahti organisescha gia ils 7avels campiunadis mundials da ski nordic, uschia datti sa chapescha bleras istorgias. La glieud finlandaisa saja adina ida cun skis. La loipa saja stada quai lieu nua ch’ins haja emprendì d’enconuscher l’ami u l’amia. Ussa duain quels skis scriver in ulteriur capitel istorgia als campiunadis mundials da ski nordic a Lahti, di in losch schef da marketing Esa-Pekka Nykänen.

Artitgels legids il pli savens