Siglir tar il cuntegn

Header

Navigaziun

Purtret da Seraina Boner
Legenda: Seraina Boner è gia avant 10 sa participada a la staffetta a Sapporo. Keystone
cuntegn

Lahti 2017 Seraina Boner è la suletta ch'è restada

Per l’emprima giada dapi 10 onns datti puspè ina staffetta svizra da dunnas a campiunadis mundials nordics.

L’ultima giada hai dà ina staffetta svizra da dunnas il 2007 a Sapporo. L’unica Svizra ch’era gia lura da la partida è Seraina Boner da Claustra. Ella parta era questa giada, 10 onns pli tard, a Lahti.

Betg avunda bunas passlunghistas

Ils ultims onns ha la Svizra simplamain betg gì avunda passlunghistas ch’eran ablas da cumbatter sin il pli aut livel internaziunal. Cun la nova generaziun enturn Nathalie von Siebenthal, Laurien van der Graaff e Nadine Fähndrich è quai sa midà. L’unica ch’è restada da la generaziun d’antruras è Seraina Boner.

Partida a gieus olimpics e campiunadis mundials

L’onn 2007 a Sapporo era la staffetta svizra cun Seraina Boner vegnida novavla, in onn avant als gieus olimpics da Torino setavla. Tge ch’è pussaivel a Lahti saja grev da dir. Cun in resultat sumegliant sco a Sapporo ni Torino fiss Boner dentant cuntenta.

RR actualitad 07:00