Siglir tar il cuntegn
cuntegn

Lahti 2017 Lahti: Muments critics tar ils umens

Tar ils umens decida in accident davart la medaglia d'aur en il sprint da team. Las dunnas svizras han cumenzà bain ma la finala hai betg tanschì per ina medaglia.

Purtret da Ustjugow.
Legenda: Ils Russ van per la medaglia d'aur en il sprint da team. Keystone

Suenter l'emprima midada en il sprint da team èn las Svizzras anc stadas davant cun las autras sin il 5avel plaz. Lura capitta dentant in sbagl a van der Graaf. Ella vegn be cun cletg da sa tegnair sin las chommas en la spunda taissa. Las duas Svizzras vegnan dentant da tegnair cun. Suenter la terza midada han ellas mo duas secundas retard.

Davent da là crescha dentant il retard. Suenter la quarta midada han ellas gia 12 secundas retard. En la proxima runda han ellas gia gì 25 secundas retard e cun quai èn ellas era stadas ord la rangaziun per medaglias. Cun 42 secundas retard arrivan ellas lura sin plaz 7 davos las campiunessas norvegiaisas. Argient va a la Russia e bronz a las americanas.

Muments critics tar ils umens

Ils Russ profiteschan d'ina collisiun dals curridurs norvegiais e finlandais e gudognan aur avant ils Talians. La Finlanda vegn anc tar bronz als Norvegiais resta sulet il quart plaz. Ils dus Svizzers Roman Furger e Jovian Hediger vegnan 9avels.

RR novitads 14:00