Siglir tar il cuntegn
cuntegn

Lahti 2017 Ils campiunadis mundials èn averts

Ils campiunadis mundials nordics a Lahti en Finlanda èn averts. Suenter la ceremonia d'avertura ha il president da la federaziun internaziunala da skis Gian Franco Kasper lantschà ils 51avels campiunadis mundials.

trais persunas stattan sin tribuna, i naiva ferm
Legenda: Il president finlandais, Sauli Niinistö (dretg), ha beneventà ils millis aspectaturs. Keystone

L'Engiadinais ha discurì da la pli gronda parti da skis da l'onn ed accentuà, ch'in pajais fanatic da skis sco la Finlanda e che haja l'experientscha da millis occurrenzas haja las meglras premissas per in campiunadi plain success. La Finlanda festivescha quest'onn er anc il giubileum da 100 onns.

A la ceremonia d'avertura han sper Gian Franco Kasper er pledà il president da la Finlanda, Sauli Niinistö, ed il president dal IOC, Thomas Bach.

Fin ils 5 da mars curran e siglian 700 atletas ed atlets ord 61 pajais en 21 concurrenzas per medaglias. La delegaziun svizra è vegnida manada da Nathalie von Siebenthal che ha purtà la bandiera.

L'emprima concurrenza è il suentermezdi: Il sprint en la disciplina skating.
Per la Svizra cumbattan per medaglias ed onur Laurien Van der Graaf, Nadine Fähndrich, Roman Furger e Jovian Hediger.

RR novitads 06:00