Siglir tar il cuntegn
Inhalt

Lahti 2017 Buna prestaziun da Tim Hug

Il cumbinader ha egalisà als campiunadis mundials a Lahti sco 15avel ses meglier resultat. Dal tut cuntent cun il resultat era il Soloturnais dentant betg. Sco 14avel suenter il siglir aveva il sportist da 29 onns la finamira da vegnir tranter ils megliers 10.

Tim Hug suenter il sigl da la schanza normala
Legenda: Tim Hug ha mussà ina buna prestaziun als campiunadis mundials. Keystone

«Jau sun in zic trumpà, perquai che jau era fitg datiers», ha dà tiers Hug. Il Svizzer è partì cun 47 secundas retard sin il leader suenter il sigl, Eric Frenzel, e 24 secundas retard sin la plazza da bronz.

L'emprima concurrenza da la cumbinaziun nordica è stada in campiunadi da la Germania. Johannes Rydzek è campiun mundial ed ha defendì ses titel da Falun. Las medaglias d'argent e bronz van ad Eric Frenzel e Björn Kircheisen. Cun Fabian Riessle è er la plazza quatter en mauns tudestgs.

RR novitads 17:00