Siglir tar il cuntegn
Inhalt

Lahti 2017 Be duas cursas per Cologna a Lahti

Il passlunghist jauer Dario Cologna sto desister a Lahti da cursas en la tecnica classica, quai pervi da problems cun ils ventrigls.

Fans dal passlunghist.
Legenda: Dario Cologna po quintar cun ferm sustegn da ses club da fans fidaivel. RTR, Andreas Wieland

Dario Cologna sto desister dals campiunadis mundials da passlung a Lahti dal skiatlon e da la cursa da 15 kilometers. Suenter ses problems cun ils ventrigls n'è el anc betg fit avunda per cursas en la tecnica classica.

Cologna vegn a parter sulettamain en la staffetta da 4x10 kilometers ed a la cursa da 50 kilometers skating.

Il skiatlon, che cumpiglia mintgamai 15 kilometers classic e 15 kilometers skating, fiss atgnamain la pli ferma disciplina da Cologna. En quella è el daventà il 2013 campiun mundial, il 2014 campiun olimpic ed 2015 vicecampiun mundial.

Club da fans al lieu

Malgrà questas novitads betg uschè positivas, èn ils fans da Dario Cologna da bun umor. Il club da fans dal passlunghist è gia a Lahti e procura per ina buna atmosfera – er sche ses idol vegn pir ad esser en acziun la fin da las occurrenzas.

RR novitad 18:00