Siglir tar il cuntegn

Naziunal/Internaziunal La victoria en mira – Vettel a Shanghai en pole position

Suenter sias victorias en l'Australia ed en il Bahrain ha cuntanschì il pilot da Ferrari a Shngahi puspè ina pole position. Uschia ha Vettel terminà la seria da success per Mercedes, rapporta l'agentura da novitads tudestgas DPA.

Vettel en il cockpit.
Legenda: Cun el èsi da far quint: Sebastian Vettel parta a Shanghai or da la pole position. Keystone

Uschia parta il pilot da Ferrari Sebastian Vettel al grond premi da furmla 1 avant ses collega da squadra tar Ferrari, avant Kimi Raikönnen. Ils dus pilots da Ferrari n'han betg laschà ina schanza a lur concurrenza. En la segunda retscha vegnan ad ir damaun en la cursa ils dus autos da Mercedes: terz è vegni Valteri Bottas e quart il campiun mundial actual, Lewis Hamilton.

Per ils pilots dad Alfa-Sauber haja dat ina terrada. Els vegnan sin las ultimas duas plazzas, Charles Leclerc parta damaun da la 19avla plazza, Marcus Ericsson da plazza 20.

RR novitads 11:00+