Cunter l'equipa da la Slovachia ha la Svizra pers cun 1:4. La Slovachia gudogna uschia il turnier. La Svizra è sin la quarta ed ultima plazza e sto turnar a chasa senza in sulet punct. En la 42avla minuta aveva la Svizra anc pudì egualisar la partida, ma 111 secundas pli tard han ils Slovacs respundì cun persvasiun. Davent da là è la partida lura stada dominada dals Slovacs.
Gieu cunter la Germania
Il team da Patrick Fischer aveva gia pers cunter ils ospitants tudestgs cun 2:3 malgrà che l'equipa ha manà duas giadas la partida. Il gol decisiv han ils Tudestgs fatg en inferiuradad numerica. Avant avevan Herren (5.) e Schäppi (37.) tutgà per ils Svizzers. Pföderl ha però mintgamai egualisà per ils ospitants ad Augsburg.
L'emprima partida han ils Svizzers pers venderdi cunter il Team Canada cun 0 a 3. Per ils Svizzers n'èri uschia gia lura betg pussaivel da gudagnar il turnier.
RR novitads 16:00