Siglir tar il cuntegn

Naziunal/Internaziunal La Svizra perda il final – ma gudogna argient

La Svizra perda suenter penaltis il final als campiunadis mundials da hockey cunter la Svezia cun 2:3. En l’entira partida era la Svizra mai en retard, tuttina ston ils hockeyans uss sa cuntentar cun argient.

Il trenader Patrick Fischer e ses giugaders suenter la terrada cunter la Svezia.
Legenda: Il trenader Patrick Fischer e ses giugaders suenter la terrada cunter la Svezia. Keystone

L’equipa svizra avess quasi gudagnà aur. Duas giadas è il team da Patrick Fischer ì en avantatg cunter la Svezia. En la 17avla minuta ha Nino Niederreiter purtà en avantatg ils Svizzers ed en la 24avla minuta ha Timo Meier danovamain sajettà ils Svizzers cun in gol avantatg avant la Svezia. Tuttina gudognan la finala ils favurisads Svedais il titel en la lutga da penaltis cunter ils Svizzers.

Fiala manchenta il gol decisiv

En il terz terz ed en la prolungaziun han ils Svizzers grazia ad ina buna defensiun ed in Leonardo Genoni ch’ha danovamain giugà ina partida briglianta pudì evitar da survegnir gols. E bun quatter minutas avant la fin da la partida avess l’attatgader Kevin Fiala quasi marcà il gol decisiv. La prestaziun da l’equipa svizra è stada fitg buna ed avess giu merità l’emprima victoria svizra a campiunadis mundials da hockey.

RR novitads 06:00