La Spagna va zoppa curt avant l’Euro 2016

La naziunala da la Spagna è sa blamada en ses davos gieu da test avant l’Euro 2016. Il campiun europeic actual ha pers a chasa cunter la Georgia cun 0:1.

Il giugader da la Georgia Ucha Lobzhanidze en in duel cul Spagnol David Silva.

Legenda da maletgs: Il giugader da la Georgia Ucha Lobzhanidze en in duel cul Spagnol David Silva. Keystone

L’equipa spagnola è sa preschentada cun tut ses stars. La Georgia da l’autra vart era stada senza schanzas en la qualificaziun per l’Euro 2016. En il gieu da test èn ils Spagnols bain stads cleramain la meglra equipa, dapli ch’in sajet en la pitga n’è dentant betg sa resultà. Il gol per la Georgia è crudà curt avant pausa.

La Spagna frunta en sia emprima partida da l’Euro 2016 il glindesdi sin la Tschechia. Ils ulteriurs adversaris en la gruppa D èn la Tirchia e la Croazia.

RR novitads 06:00