Il Club da hockey da Tavau ha festivà la sisavla victoria entaifer ils davos set gieus. Tavau ha battì ordaifer l’EV Zug cun 5:3. I saja stà in gieu intensiv, quasi sco en ils playoffs. Quai ha ditg il defensur da Tavau Claude-Curdin Paschoud envers RTR.
Cun questa victoria pon ils Grischuns plaun plaunet cumenzar a planisar ils playoffs. Per l’EV Zug è quai stà mo la tschintgavla terrada da la stagiun.
La proxima pussaivladad da gudagnar ulteriurs trais puncts ha il HCD damaun suentermezdi a chasa encunter Ambrì-Piotta.
RR novitads 23:00