La Frantscha ha battì la Belgia cun 1:0. Il sulet gol da la partida ha il defensur franzos Samuel Umtiti sajettà en la 51avla minuta. Ils Franzos cuntanschan uschia per l'emprima giada dapi il 2006 il final dal campiunadi mundial.
L'Engalterra u la Croazia
Mesemna saira sa decida en la partida tranter l'Engalterra e la Croazia sin tgi che la Frantscha frunta en il final. Il gieu cumenza a las 20:00. Per ils Englais fissi l'emprima giada dapi l'onn 1966 ch'els cuntanschessan il final. Ils Croats n'han anc mai cuntanschì il final.
Viadi anc betg a la fin
Per la Belgia n'è il campiunadi mundial suenter la terrada cunter la Frantscha anc betg a la fin. Ils Beltgs giogan la sonda a las 16:00 en il «final pitschen» cunter la squadra perdenta dal segund mezfinal per il terz plaz.
RR Novitads 23:00
