Cumenzà avevi bain per ils Songagliais cun il 1:0 en la 14avla minuta, 11 minutas pli tard egualisescha Basilea. En la 75avla minuta maina lura in giugader da Son Gagl il bal en l'agen gol, e Basilea po sa legrar. In penalti per Basilea curt avant la fin maina lura al resultat final da 3:1.
Noviz Losanna vinavant sin la via da success
A Lucerna gudogna Losanna cun 3:1, e per la surpraisa da tuts munta quai il segund plaz en la tabella. Bain marca Lucerna gia en la 8avla minuta il 1:0. Dentant egualisescha Losanna anc en l'emprima mesadad. E suenter il tee da pausa gartegia Losanna anc duas giadas il gol da Lucerna, malgrà che Lucerna ha dapli dal gieu.
La fasa finala dal gieu tranter la 81avla e la 86avla minuta daventa lura turbulenta, Lucerna gartegia la pitga e la latta e Losanna la latta. La finala resta Lucerna per la quarta giada en seria senza victoria en quest campiunadi.
RR novitads 20:00/22:00