Siglir tar il cuntegn

Header

cuntegn

La Diagonela Victorias norvegiaisas tar las cursas d’elita

Ils passlunghists norvegiais Chris Andre Jespersen ed Astrid Sling gudognan las cursas d’elita da La Diagonela. Tar las cursas popularas domineschan ils indigens.

Ils passlunghists norvegiais han dominà la sonda las cursas d’elita da la Diagonela en Engiadin'Ota. Tant tar ils umens sco era tar las dunnas han ils Norvegiais pudì festivar victorias dublas. Chris Andre Jespersen ha gudagnà la cursa sur 62 kilometers en il stil classic tar ils umens. Astrid Slind è stada la pli sperta dunna.

audio
Nico Walther, meglier indigen a La Diagonela
ord Sportissimo dals 18.01.2020.
laschar ir. Durada: 2 minutas 9 Secundas.
audio
Selina Pfäffli, meglra indigena a La Diagonela
ord Sportissimo dals 18.01.2020.
laschar ir. Durada: 2 minutas 10 Secundas.

Tar las cursas popularas han percunter dominà curriduras e curridurs indigens. La Pachifiga sur 27 kilometers han gudagnà Curdin Räz da Segl Maria e Seraina Kaufmann da Ftan. La Cuorta sur 11 kilometers Andreas Durrer da Vilters e Helena Guntern da Ftan.

Premiera dubla

Per l’emprima giada ha la cursa da passlung en il stil classic La Diagonela attratg passa 1’000 curriduras e curridurs. E per l’emprima giada haja dà tar la cursa da quest onn la pussaivladad da far ils 62 kilometers sco staffetta cun quatter curridurs. La premiera ha gudagnà la staffetta da Samedan cun Yannick Zellweger, Niklas Steiger, Claudio Cantieni e Roman Adler.

RTR Sportissimo 17:00

Artitgels legids il pli savens