Naziunal/Internaziunal - «La Diagonela» – la 6avla giada sin traject original

65 kilometers da Zuoz sur San Murezzan, il guaud da Staz e Puntraschigna puspè enavos a Zuoz: Quai è il traject original da la cursa en il stil classica da «La Diagonela».

Legenda: Ils emprims da «La Diagonela». RTR, Roman Dobler

Gia per la sisavla giada ha la cursa gì lieu. E danovamain ha las curriduras ed ils curridurs da la Scandinavia dominà la cursa classica. Dus Norvegiais avant in passlunghist da la Svezia èn arrivads sin il podest tar ils umens. Tar las dunnas ha Katerina Smutna gudagnà avant ina Norvegiaisa ed ina Svedaisa.

Corsin Hösli e Jogscha Abderhalden ils megliers rumantschs

Sur il traject roial tar ils umens ha Corsin Hösli da Zernez fatg la meglra figura. Ditg era Hösli davantvart da la partida. Suenter duas terzas da la cursa ha Hösli dentant stuì laschar ir ils megliers.

audio

Corsin Hösli davo La Diagonela

03:48 min, ord Sportissimo dals 19.01.2019.

laschar ir. Durada: 3 minutas 48 Secundas.

Gist suenter Puntraschigna cura che la cursa è arrivada sin la plazza aviatica da Samedan ha Hösli pers in zic las forzas. A partir da quel mument era la cursa per il currider da Zernez mo pli in sforz. La fin finala è el vegni 43avel.

audio

Jogscha Abderhalden davo La Diagonela

02:39 min, ord Sportissimo dals 19.01.2019.

laschar ir. Durada: 2 minutas 39 Secundas.

Sumegliant è la cursa era stada per Jogscha Abderhalden: La meglra rumantscha è vegnida 15avla.

Legenda: Visitaders da «La Diagonela» a Zuoz. RTR, Roman Dobler

RR Sportissimo 17:40