Siglir tar il cuntegn

Header

cuntegn

Naziunal/Internaziunal La Belgia è la proxima adversaria da la Brasilia

La Belgia cuntanscha il quartfinal dal campiunadi mundial da ballape. Ella ha gudagnà ses gieu cunter il Giapun cun 3:2.

La Belgia ha stuì cumbatter fitg per la victoria cunter il Giapun. Ils Giapunais manavan suenter 69 minutas cun 2:0. Silsuenter han els dentant stuì dar la partida ord ils mauns. Entras dus gols da Verthongen e Fellaini ha la Belgia savì egualisar il gieu anc avant la fin dal temp regular. En la terza minuta dal temp supplementar ha alura Nacer Chadli sajettà il gol decisiv per il 3:2.

Neymar è en gamba e decida la partida cunter Mexico

La Brasilia ha battì oz suentermezdi il Mexico cun 2:0. Suenter il gol da Neymar en la 51avla minuta n’èsi betg pli gartegià als Mexicans da turnar enavos en la partida. Quai suenter ch’els avevan dominà il gieu en las emprimas 25 minutas. Il Mexico croda ora per la settavla giada en fila en l’emprim gieu da la fasa da k.o. ad in campiunadi mundial.

Il giugader da ballape brasilian Neymar.
Legenda: Neymar puspè en gamba – il star brasilian suenter avair sajettà il 1:0 per la Brasilia. Reuters

RR novitads 22:00

Artitgels legids il pli savens