Siglir tar il cuntegn
cuntegn

Naziunal/Internaziunal L' U18 perda era la partida per bronz

L'equipa naziunala dals juniors da hockey na gudogna nagina medaglia als campiunadis mundials en Svizra.

Giugaders da l'U18 èn trumpads suenter la terrada cunter il Canada.
Legenda: L'equipa svizra dals juniors cuntanscha il quart plaz. Ils giugaders da l'U18 svizra èn trumpads suenter avair pers la medaglia da bronz cunter il Canada. keystone

L’equipa naziunala da hockey dals juniors ha pers la partida per la plazza trais cunter l’equipa dal Canada cun 2 a 5. Ils campiunadis mundials en l'agen pajas van uschia a fin senza ina medaglia per l'equipa svizra.

Gia il start en la partida ha l’equipa svizra mancanta, ed era uschia gia suenter 12 minutas cun 0 a 3 enavos. Anc avant l'emprima pausa ha l'equipa trenada dal anteriur giugader da l'equipa naziunala Manuele Celio pudì nudar dus gols per il interimistic 2 a 3.
En il segund terz ha alura l’equipa canadaisa pudì nudar curt avant la fin dal terz entaifer 138 secundas dus gols tar il resultat final da 5 a 2.
Alura è l’equipa svizra na stada abla pli da reagir ed ha uschia pers la partida.

Sco Celio ha ditg, sajan ins entant cuntents cun la prestaziun da l'equipa. Tar equipas da juniors na saja betg mo il resultat decisiv, surtut saja il svilup e las experientscha per ils giugaders giuvens impurtantas.

RR novitads 20:00